CERA CONOCI CU JEREMY ERASMUS
Despues di a gradua na VWO na Aruba, mi a sigui mi estudio di Finance na University of Central Florida, y a gradua na aña 2013. Den e añanan cu a sigui, mi a traha den sector priva, tanto como empleado como empresario. E experiencia aki a duna mi un comprension profundo di finansas, comercio y sostenibilidad— y ta esaki cu mi kier trece pa nos comunidad.
​
Den mi carera profesional, mi a desaroya abilidadnan di analysis y conseho financiero pa clientenan, mientras cu mi bista den business planning y analysis financiero a yuda pa guia diferente organisacionnan den e direccion corecto.
Mi ta un problem-solver, tin un manera di pensa innovativo, y kier focus riba mehoracion y hiba un politica constructivo cu por yuda nos pais bai padilanti. Mi ta kere cu, como nacion, nos mester ta semper buscando maneranan pa mehora, innova y colabora pa hunto por progresa.
JEREMY ERASMUS DEN POLITICA
Bo por confia cu mi lo trece ideanan nobo pa gobernacion, pa sirbi nos comunidad di un manera eficiente y uza nos recursonan na un manera responsabel. Mi compromiso ta pa sirbi e pueblo, pa tuma decisionnan positivo, y pa enfoca riba solucionnan concreto cu lo trece beneficio pa nos comunidad.
​
Pa logra un futuro miho, un deseo pa cambio no ta suficiente. Nos mester traha hunto pa yuda nos comunidad y crea e ambiente unda tur por crece. Esaki ta precisamente pakico mi ta escohe FUTURO, un partido cu no solamente un vision, pero puntonan di accion pa por logra prosperidad comparti entre TUR.
Bo futuro ta den bo man, y mi ta spera cu lo bo uni cu mi den mi meta pa transforma Aruba den un pais inclusivo, uno cu nos tur kier biba aden.
​
NOS VISION
BO FUTURO. BO BOS.
Aki na Aruba, mi a mira hopi oportunidadnan pasa nos bai — creando varios obstaculonan repetitivo: burocracia, gastonan innecesario, y falta di transparencia y un maneho berdaderamente sostenibel y inclusivo.
Nos ta na un punto crucial, unda e pasonan pa cambio ta necesario. Mi kier un futuro pa Aruba unda e pueblo por confia den su gobierno, unda e recursonan necesario ta yega na e comunidad cu e mester sirbi — nos hobennan, deportistanan, famianan. Nos mester pusha pa mas inclusividad y sostenibilidad den gobernacion y den maneho, pa nos y pa e generacionnan di futuro.
Esaki ta pakico mi a drenta na politica: pa mi yiu, bo yiu, nos yiunan por tin un miho FUTURO.
​
​
​